Félagssálfræði - heimildagreining (gervigreind)
Heimildagreining með gervigreind – verkefni í félagssálfræði
Markmið: Að greina eina heimild úr kaflanum um félagssálfræði, skoða tilgang hennar og meta trúverðugleika – bæði með eigin greiningu og í samvinnu við gervigreind.
Þú vinnur verkefnið í þremur skrefum:
1. Sjálfstæð greining (án gervigreindar)
Veldu eina heimild úr textanum – það getur verið rannsókn, kvikmynd, fræðibók, grein eða annað sem vísað er í.
Skrifaðu síðan stutta greiningu (5–10 línur) þar sem þú svarar:
- Hvaða heimild valdir þú?
- Um hvað fjallar hún?
- Af hverju telur þú að hún sé notuð í textanum?
- Hversu trúverðug finnst þér heimildin vera? Af hverju?
- Hefur hún áhrif á hvernig við skiljum efnið?
2. Aðstoð með gervigreind
Notaðu gervigreind (eins og ChatGPT) til að fá nýja sýn á heimildina sem þú valdir. Þú átt að segja gervigreindinni hver heimildin er og biðja hana að gefa þér stutt hnitmiðuð svör. Þú átt að spyrja:
- Um hvað fjallar hún?
- Af hverju telur þú að hún sé notuð í kennslubók?
- Hversu trúverðug finnst þér heimildin vera? Af hverju?
- Hvaða áhrif kann hún að hafa á hvernig við skiljum efnið?
Skrifaðu niður það sem gervigreindin segir – og merktu það sérstaklega sem svör frá AI.
3. Samanburður og heildarniðurstaða
Berðu saman það sem þú skrifaðir sjálfur og það sem kom frá AI. Svaraðu síðan í eigin orðum:
- Að hvaða leyti voru svörin mín og AI lík?
- Hvernig voru þau ólík?
- Hvaða sjónarmið vil ég halda í minni lokaniðurstöðu – og af hverju?
- Er eitthvað sem breyttist í minni afstöðu eftir samtalið við AI?
Að lokum skrifar þú stutta samantekt (5–7 línur) þar sem þú setur fram þína eigin túlkun – með stuðningi frá báðum aðferðum.