Inngangur að afbrota ...

Verkefni: Fangelsi á Íslandi – gagnrýnin greining með gervigreind

Farðu inn á: https://www.fangelsi.is

Skref 1 – Sjálfstæð vinna (án AI)

Skoðaðu vef Fangelsismálastofnunar og svaraðu með þínum eigin orðum:

1. Hve mörg fangelsi eru starfandi á Íslandi og hvað eru mörg þeirra opin eða lokuð?
2. Hver er helsti munurinn á opnu og lokuðu fangelsi?
3. Veldu eitt fangelsi og lýstu í stuttu máli hvernig það er – staðsetning, fjöldi fanga, aðstaða og möguleikar til betrunar.
4. Hvað finnst þér skipta mestu máli þegar kemur að því að refsing og betrun skili árangri?

Skref 2 – Aðstoð með gervigreind

Spyrðu gervigreind t.d.:

• „Hver er tilgangur opinna fangelsa?“
• „Hvernig hjálpar betrun til að draga úr endurkomu fanga?“
• „Hvaða gagnrýni hefur komið fram á fangelsin á Íslandi eða í öðrum löndum?“

Skrifaðu með eigin orðum – ekki afrita AI beint.

Skref 3 – Samantekt og ígrundun

Skrifaðu stutta efnisgrein (50–100 orð) þar sem þú:

• Berð saman þína eigin vinnu og það sem AI hjálpaði þér með
• Segir frá því hvað þú lærðir um fangelsi og hvernig AI bætti við þekkingu þína

Markmið verkefnisins

• Að kynnast fangelsum á Íslandi
• Að ígrunda tilgang refsinga og betrunar
• Að nota gervigreind á gagnrýninn og skapandi hátt