Heilsufélagsfræði

Rökræddu hvort að Baddi í Eurogarðinum sé sjúklingur vegna óhóflegrar áfengisneyslu eða hvort að óhófleg drykkja hans sé aumingjaskapur. Ef þið teljið að þetta sé blanda þessara tveggja þátta má líka taka þá afstöðu en alltaf þarf að rökstyðja mál sitt vel. Hvaða kostir og gallar væru við það að skilgreina áfengisneyslu Badda sem sjúkdóm eða aumingjaskap? 

Eða svaraðu eftirfarandi spurningum

1. Er Baddi áfengissjúklingur? Hvers vegna/ ekki?

2. Hvers vegna er ólíklegt að Baddi eigi eftir að ná árangri í áfengismeðferðinni?

3. Hvort telur þú að Badda myndi ganga betur að ná tökum á vandanum ef við skilgreinum hann sem áfengissjúkling - aumingja eða eitthvað annað?

1. Settu textann upp í word

2. Hafðu letrið 12 punkta

3. Hafðu textann miðjujafnaðan (justify)

4. Hafðu línubilið 1.5.

5. Notaðu spelling and grammar (review - language - set proofing language)

Í kaflanum hefur verið fjallað ítarlega um sjúkdómsvæðinguna. Sjúkdómsvæðing (e. medicalization) er ferli þar sem sífellt fleira í mannlegu samfélagi og mannlegri hegðun hefur verið fært undir hatt læknisfræðinnar. Sjúkdómsvæðingin er knúin áfram með því að breyta félagslegum viðhorfum (slæmt verður sjúkt), af framþróun í læknis- og lyfjafræði og af efnahagslegum hagsmunum. Það sem áður var vont, slæmt eða aumingjaskapur verður sjúkt. Markmið með því að þróa hugtakið sjúkdósmvæðing er að gagnrýna þetta ferli þar sem sífellt fleiri eru skilgreindir sem sjúkir sem svo í framhaldinu hefur m.a. orðið til þess að margfölldun hefur orðið í notkun lyfja. Þessi þróun hefur veitt ákveðnum hópum völd yfir fólki. Telur þú að læknisvæðingin sé af hinu góða eða telur þú að hún sé slæm? Er jákvætt að samfélagið skilgreini þá sem áður þóttu vera vondir eða aumingjar sem sjúka. Hvað finnst þér um að við séum í meira mæli farin að lækna fólk með lyfjum. Taktu afstöðu og segðu þína skoðun (lágmark 150 orð).