Rannsóknir í félagsf ...

Í tilefni af 100 ára afmæli Hagstofunnar setti Hagstofa Íslands á fót vef sögulegum hagtölum. Um er að ræða samfelldar tímaraðir á tölvutæku formi. Það sögulega talnaefni sem nú er tiltækt hefur verið sett í veftöflur og er birt á sama formi og annað talnaefni Hagstofunnar. Ráðgert er að uppfæra talnaefni um sögulegar hagtölur einu sinni á ári óháð því hvort sambærilegt efni hefur verið uppfært á aðalvef Hagstofunnar.

Í þessu verkefni ætlum við að skoða sögulegar hagtölur fram til dagsins í dag. Farðu inn á vefsvæðið https://sogulegar.hagstofa.is/. Í þessu verkefni ætlum við að skoða íbúa og samfélag: 

1. Hvernig hefur fæðingartíðni (lifandi fædd börn á ævi hverrar konu) þróast frá árinu 1853–2020 - lifandi fædd börn á ævi hverrar konu?

2. Ef þessi þróun heldur áfram, hvað þýðir það fyrir þróun fólksfjölda í framtíðinni?

3. Hvernig hefur útbreiðsla dagblaða breyst frá árinu 1906 til 2010?

4. Hvað kann að hafa áhrif á þessa þróun?

5. Hvernig heldur þú að þessi þróun hafi verið síðan 2010?

6. Hvernig hefur hlutfall brautskráðra stúdenta breyst eftir kyni frá árinu 1847 til 2023?

7. Hvað telur þú að hafi haft áhrif á þessa þróun (hvernig hefur staða konunnar breyst)?

8. Hvernig þróaðist skráð atvinnuleysi frá árinu 1957-2015?

9. Hvernig telur þú að atvinnuleysi hafi þróast síðan 2015?

10. Hvað finnst þér um síðuna og þessa heimasíðugreiningu?