Almenn félagsfræði

Verkefni: Þitt eigið fyrirtæki

Þema: Íslenskur vinnumarkaður og nýsköpun

Markmið

Nemendur læra að skilja hvernig íslenskur vinnumarkaður virkar og hvernig nýsköpun getur skapað störf og haft áhrif á samfélagið.
Markmiðið er að hugsa um hvað þarf til að stofna lítið fyrirtæki á Íslandi og hvernig góð hugmynd getur orðið að veruleika.

Verkefnalýsing

Þú átt að búa til hugmynd að eigin fyrirtæki.
Þú ákveður:
• Nafn á fyrirtækinu
• Hvað það selur eða býður upp á
• Hverjir eru viðskiptavinirnir
• Hvernig það stendur undir sér fjárhagslega

Þú notar dæmið um Stafbók slf. sem viðmið, en býrð til þína eigin hugmynd og útreikninga.

Hluti 1: Hugmyndin

Skrifaðu stutta lýsingu á hugmyndinni, um 5–10 línur.
Svaraðu eftirfarandi spurningum:
• Hvað heitir fyrirtækið?
• Hver er meginhugmyndin?
• Hvaða vandamál eða þörf leysir það?
• Hverjir eru viðskiptavinirnir?
• Hvað gerir fyrirtækið sérstakt eða nýstárlegt?

Hluti 2: Kostnaðaráætlun

Reiknaðu út helstu kostnaðarliði fyrir fyrsta árið.
Taktu tillit til stofnkostnaðar, bókhalds og endurskoðunar, hugbúnaðar og áskriftar, markaðssetningar og vefsíðu.
Láttu fylgja heildartöluna fyrir fyrsta árið.

Hluti 3: Tekjuáætlun

Áætlaðu hversu mikið fyrirtækið gæti selt á fyrsta ári.
Hugsaðu um fjölda viðskiptavina, meðalverð og heildartekjur.
Lýstu forsendunum fyrir útreikningum og segðu frá því hvað gæti haft áhrif á tekjurnar, til dæmis árstíðasveiflur, markaðssetning eða samkeppni.

Hluti 4: Skattar og hagnaður

Reiknaðu út hagnað og skatta.
Notaðu einfalt dæmi þar sem tekjuskattur er 22%.
Ef tekjur eru undir 2 milljónum króna þarf ekki að greiða virðisaukaskatt (VSK).
Skrifaðu niður áætlaðan hagnað fyrir skatt, áætlaðan tekjuskatt og hagnað eftir skatt.

Hluti 5: Kynning

Skrifaðu stutta kynningu á fyrirtækinu.
Segðu frá nafninu, hugmyndinni og markmiðum.
Lýstu vörunni eða þjónustunni og hvernig fyrirtækið getur stuðlað að nýsköpun eða samfélagslegri ábyrgð.
Þú mátt kynna verkefnið munnlega eða með einfaldri glærusýningu.

Leiðbeiningar fyrir kynningu

Kynningin skal innihalda 7 glærur, þar sem fram koma helstu atriði verkefnisins:

1. Nafn og tilgangur fyrirtækisins
   – Hver er hugmyndin og hvers vegna var hún valin?
2. Helstu vörur eða þjónusta
   – Hvað framleiðir eða selur fyrirtækið?
   – Hvað gerir það sérstakt eða nýstárlegt?
3. Viðskiptavinir og markhópur
   – Hverjir eru líklegir viðskiptavinir?
   – Hvernig nær fyrirtækið til þeirra?
4. Fjárhagslegar forsendur
   – Hvaða kostnað þarf að gera ráð fyrir?
   – Hvernig eru tekjur áætlaðar?
   – Er verkefnið raunhæft fjárhagslega?
5. Samfélagsleg ábyrgð og framtíðarsýn
   – Hvernig getur fyrirtækið haft jákvæð áhrif á samfélagið?
   – Hver eru framtíðarmarkmið þess?
6. Samanburður við önnur fyrirtæki
   – Hvað hefur fyrirtækið fram yfir sambærileg fyrirtæki eða hugmyndir?
7. Samantekt og lokaorð
   – Stutt yfirlit um styrkleika og lærdóm hópsins.

Verkefnaskil

Nemendur vinna saman í hópum, 2 til 4 saman.
Skila skal verkefninu í PowerPoint (PPT) með kynningu á fyrirtækinu.