Líkamar og líkamsmyndir: Rökræður
Ítarleg lýsing á uppsetningu, hlutverkaskiptingu og áhersluþáttum rökræðna má finna í leiðbeiningum fyrir rökræður. Ef nemandi komst ekki í rökræður getur hann skrifað rökræður.
Efni:
Með eða á móti fullyrðingunni íslenskt samfélag einkennist af fitufordómum og fitusmán. Erfðir og umhverfi eiga í samspili þátt í að móta einstaklinga og gera þá eins og þeir eru. Þannig geta samfélagslegir fordómar ýtt undir vandamál en á sama tíma er mikilvægt að einstaklingar beri ábyrgð á eigin heilsu. Í þessum rökræðum ætlar þú að taka afstöðu. Þar sem um flókið sampil er að ræða þarf ekki að vera að sú afstaða sem þú tekur endurspegli fullkomlega þín persónulegu sjónarmið en þú þarft að setja þig í stellingar með eða á móti. Byggðu upp rök með því að vitna í efni úr kaflanum eða efni sem þú finnur sjálfur sem og að segja þína skoðun (100 til 150 orð).
Íslenskt samfélag einkennist af fitufordómum! Með eða á móti!