Almenn félagsfræði

1. skref – Þín eigin greining á heimild

Veldu eina heimild úr kaflanum og svaraðu eftirfarandi spurningum:

1. Hvaða tegund heimildar er þetta? (t.d. bók, tímaritsgrein, vefsvæði, bókakafli, skýrsla)
2. Hver er titill heimildarinnar?
3. Hver er höfundur (einstaklingur eða stofnun)?
4. Hvenær var hún gefin út?
5. Um hvað fjallar heimildin? (50–100 orð)
6. Vísar höfundur í aðrar heimildir? Ef svo er, hversu margar?
7. Telur þú að þetta sé góð heimild? Rökstyddu (trúverðugleiki, gæði, hlutleysi, uppfærð o.s.frv.)

2. skref – Notaðu gervigreind til stuðnings

Notaðu AI (t.d. ChatGPT) til að:

– Finna nánari upplýsingar um heimildina eða höfundinn
– Athuga hvort heimildin hafi verið notuð í öðrum rannsóknum
– Fá álit á því hvort heimildin sé talin áreiðanleg eða hlutlæg

Mundu að bera svör AI saman við þín eigin – ekki taka þau sem lokaorð.

3. skref – Lokamat

Skrifaðu stutta samantekt (5–7 línur) þar sem þú:

– Lýsir hvernig þér gekk að greina heimildina
– Segir hvort AI hjálpaði þér að skilja hana betur
– Metur hvort þú myndir treysta heimildinni í eigin verkefni – og hvers vegna

Reglur

• Ekki má afrita texta beint úr AI
• Heimildagreiningin á að vera skrifuð með þínum eigin orðum
• Skilaverkefnið er svör við spurningum + lokamat í skrefi 3