Frávik og félagslegt taumhald: 3. rökræður
Eru frávik og afbrot nauðsynleg
Ítarleg lýsing á uppsetningu, hlutverkaskiptingu og áhersluþáttum rökræðna má finna í leiðbeiningum fyrir rökræður. Ef nemandi komst ekki í rökræður getur hann skrifað rökræður.
Efni:
Með eða á móti frávikum og afbrotum. Engin samfélagsgerð er laus við frávik og afbrot. Auðvitað er munur á frávikum og afbrotum eins og fjallað var um í kaflanum en eru þessi frávik og afbrot nauðsynleg? Hvers vegna eru þau til staðar og hvernig væri samfélagið ef þau væru ekki. Væruð þið kannski til í að vera laus við afbrot en ekki frávik? Byggðu upp rök með því að vitna í efni úr kaflanum eða efni sem þú finnur sjálfur sem og að segja þína skoðun.
Skrifaðu ræðu (100-200 orð) meða eða á móti viðfangsefninu.
Leiðbeiningar fyrir ritun rökræðna
1. Taktu afstöðu til efnisins, með eða á móti.
2. Notaðu fræðileg rök til að rökstyðja það sem þú segir.
3. Vitnaðu í bókina, rannsóknir eða annað efni sem þú finnur á netinu.
4. Vertu ákveðin en skynsamur.
5. Vertu harður á þínum rökum.
6. Taktu fyrir almenn mótrök sem þú getur bent á að séu gölluð eða þú getur hrakið
7. Ekki niðurlægja þá afstöðu sem þið gangið gegn heldur verið rökvís og notið gögn.
8. Er orðalag og málfar vandað.
9. Er það sem þið fjallið um skýrt.